الفنان مأمون سوار الدهب يرد على طليقته ويكشف التفاصيل

متابعة – منصة السودان –

عقب الجدل الكبير في قضية طلاق الفنان مأمون سوار الدهب من زوجته السابقة هند عوض، والتي اصبحت مثار جدل في وسائل التواصل الاجتماعي الى ان وضحت هند أمس بعض التفاصيل على صفحتها الشخصية ، ليرد بعدها مأمون ببيان قال فيه الاتي:

(السلام عليكم اخواني واخواتي وكل الناس البهمهم امري. اولاً للناس البتعرفني انا عمري ما كتبت حاجة بتخص حياتي الشخصية في السوشيال ميديا لكن الحصل في الايام الفاتت اضطراني اني اتكلم عن حياتي، اليوم انا انفصلت قانونياً من ام بنتي مع العلم انو الانفصال تم ليه سنة

ومن باب التوضيح لي تأخير الإجراءات القانونية للإنفصال انو انا كنت خارج مصر لفتره طويله وذي ما كل الناس عارفه الطلاق ما بقع على(الحامل). دي اسباب تأخير الانفصال قانونياً.
وهي في النهايه ام لي بنتي الناس تكون واعيه شويه ومافي داعي للإساءه والتجريح وبتمنى ليها حياة سعيدة.).

وجاء هذا التصريح بعد أيام قليلة من اعلان خطبة مأمون سوار الدهب من ابنة الفنان الراحل محمود عبد العزيز (حنين)، وهو الخبر الذي وجد تفاعلاً وتداولاً كبيرين على المنصات السودانية.