بداية التقديم الإلكتروني وتفاصيل دليل القبول للجامعات السودانية 2022

بداية التقديم الإلكتروني وتفاصيل دليل القبول للجامعات السودانية 2022

القبول العام :

منشور كامل للفائدة ستجد فيه كل التفاصيل عن الدليل وموقع التقديم الإلكتروني يرجى القراءة بتمعن :

1/ يبدا التقديم الالكتروني للجامعات السودانية ( الحكومية والخاصة ) يوم الاثنين 10/10 ..

2/ التقديم الكتروني يعني لو قدمت من السودان ولو قدمت من امريكا وااحد زي دخولك للفيس من السودان ومن برا السودان ولو قدمت انت ولو قدم ليك زول غيرك واااحد في النهاية تقديمك بخش السستم ونتيجتو بتطلع ولو قدمت اول يوم ولو قدمت اخر يوم واااحد ما فرقت بس كل ما تقدم بدري افضل عشان الموقع في الايام الاخيره بعلق كتير ..

3/ عشان تقدم محتاج لرقم الجلوس و رقم الاستمارة و ولاية الامتحان و رقم هاتف فقط ..

4/ رابط التقديم الاتي :

http://www.admission.gov.sd/app_2016_go.html

5/ يتم سحب استمارة التقديم من البنوك او من تطبيق فوري او تطبيق بنكك برسوم قدرها … ..

6/ التقديم شهادات جديدة فقط2022 ويشمل الشهادة السودانية والعربية والاجنبية ..

7/ يشمل التقديم بكالوريوس ودبلوم جامعات حكومية و بكالوريوس ودبلوم جامعات وكليات خاصة كلو في نفس الاستمارة تشكلهم مع بعض مره جامعه حكوميه مره خاصة مره بكالوريوس مره دبلوم على كيفك ..

8/ اقل عدد رغبات 15 واقصاها 45 يعني السستم ما بقبل اقل من 15 رغبة وما ممكن تكرر نفس الرغبة في نفس الجامة السستم ما بقبل يعني مثلا ما تقدم طب النيلين مرتين لكن ممكن تقدم نفس الرغبة في جامعات مختلفة او تقدم رغبات مختلفه في جامعه واحده عادي ..

9/ اختيار الرغبه بعدين بتم على حسب ترتيبك انت كان جامعات حكوميه كان خاصة ببدو من اول رغبة لو نسبتك نافست فيها بشيلوك لو ما نافست فيها بمشو للبعدها طوالي لو نافست بشيلوك ما نافست بمشو للبعدها وهكذا حسب ترتيبك لو كل الرغبات ما نافست فيها نتيجتك ح تطلع الطالب غير مقبول عشان كده كتر الرغبات عشان تلقى فرصة ..

10/ قدم في حدود نسبتك واعلى منها بي درجه ودرجتين واقل منها بي درجه ودرجتين في الحدود دي يعني عشان تضمن لو النسب زادت او نقصت يشيلوك ..

11/الجامعات الخاصة ما عندها نسب نازله في الدليل لكن لمن تجي تقدم رغبة في جامعة خاصة بكتبو ليك السنة الفاتت شالو من كم عشان تاخد فكره عن حدود النسبه في كم ..

12/ لو قدمت رغبة وظهرت ليك بي لون احمر معناها انت ما مؤهل للرغبة دي يعني مثلا ما ممكن تكون ادبي وتقدم كلية علمية ..