وظائف محلية
أخر الأخبار

معرض أروما للوظائف حيكون فيه شنو ؟ وكيف تطلع منه بفرص عمل ؟

معرض أروما للوظائف حيكون فيه شنو ؟ وكيف تطلع منه بفرص عمل ؟

 

معرض أروما للوظائف هو أضخم قمة مهنية حتتعمل في السودان ، وهي فعالية عملتها شركة Orooma.com عشان تفتح فرص لكتير من المجالات وتساعد الناس في رحلتهم الوظيفية .

 

وفي المعرض حتتفتح ليك كتيير من فرص التدريب والتوظيف وكمان حتقدر تكون علاقات في كل المجالات والتخصصات ، والقمة السنه دي بتنقسم لخمس اقسام :-

 

– معرض الشركات وفيه 50 معرض للشركات الكبيرة ذي دال و CTC وحجار وسافولا وكتيير من الشركات الحتعرف عن بيئه العمل فيها وأقسامها بالاضافة لفرص التوظيف والتدريب فيها

 

– معرض المنظمات والبرامج وحيكون فيه عدد كبير من المنظمات الدولية ذي UNDP و UNICEF وغيرها من المنظمات الحتعرض الفرص وبرامج متنوعة لنشاطاتها

 

– الورش والمحاضرات في 14 مجال مختلف، حيقدموها افضل المتحدثين والخبراء في تخصصاتهم وحيصل عددها ل 42 محاضرة

 

– الاستشارات الفردية المجانية من الخبراء في مجالات كتيرة وفيها حيجاوبوا عن استفساراتك بشكل فردي وحيراجعوا معاك الCV حقك ويعملو ليك مقابلة افتراضية عشان يقيموك ويدوك كل النصائح الممكن تحتاجها

 

و لو انت صاحب بيزنيس حتلقي استشارات لتطويرك عملك او حتي كمان لو عمدك تقديم لمنحة فحتلقي النصائح الممكن تساعدك في قبولك فيها

 

– منصة الحوارات والنقاشات وحتكون في الفترة المسائية من عدد من صانعي القرار والخبراء في القطاع الخاص والعام والدولي كمان وحيتناولوا فيها الكتير من المواضيع المهمة والمؤثرة

 

كيف تقدر تستفيد أكبر فائدة من قمة اروما المهنية ؟

 

في المعرض حتلاقي الاف الناس من مختلف الشركات والخبرات في مجالك والفائده بتتحقق لمن تتواصل معاهم وتتعرف عليهم وتتبادل معاهم معلومات الاتصال عشان تكون علاقة معاهم تفيدك لقدام

 

وحيتفتح عدد كبير من فرص التدريب والتوظيف الممكن تقدم ليها طوالي او كمان تستعد للفرص المستقبلية بانك تجهز نفسك من خلال الورش والمحاضرات في المعرض وتعمل مقابلات افتراضية و تقييم سيرتك الذاتيه علي يد الخبراء

 

القمة المهنية حتكون يوم 13 و 14 مايو الموافق ليوم الجمعة و السبت في معرض الخرطوم الدولي

 

الدخول مجاني عن طريق التسجيل في الرابط في أول تعليق

 

#orooma_career_summit

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى